琴晚，我食左一個蒸發粉加蛋白。不過間甜品店聲稱佢係梳乎厘。

其實我一直都唔係好鍾意食souffle，不過琴晚食飽飯大伙兒話要食甜品，就勉強叫個souffle食下。

我唔食souffle，但係都知souffle係咩野樣。呢間係大圍聲稱由酒店甜品總廚主理0既甜品店，真係咪蝦我鄉下妹。

我覺得你唔識整，未正正經經整下傳統糖水囉，搞咩野西野呢？仲要Menu張相，同上述梳乎厘有一段距離，上檯果一刻我都諗：奶野！

睇個樣都已經知佢唔好食。雖然阿媽教落唔好以貌取人，sorry，佢個賣相同味道都係一樣：零分。果種蒸發粉加蛋白0既口感，真係令我一試難忘，諗起都仲有少少反胃。

做甜品真係講心。又中又西你HANDLE唔黎，未搞到唔咸唔淡囉。除左梳乎厘，同行人士都異口同聲話自己個甜品難食，講緊都係西米撈呀，豆腐花。即係話，唔止係花巧野唔得，連最基本都未做得好。未學行，先學走，大概就係咁0既意思囉。

最吊詭0既係，雖然佢好難食，但係每晚都高朋滿坐。唔通，真係我地太主觀？